Páginas

martes, 31 de marzo de 2015

A ZANFONA E OS CANTOS DE CEGO NA MÚSICA TRADICIONAL

Ligazón:

A zanfona e os cantos de cego na música tradicional

Descrición:

Conferencia de Pablo Quintana na " I Xornada sobre Música Tradicional: A zanfona na música galega". Organizadas pola Sociedade Antropolóxica Galega. Xullo 2013.

miércoles, 25 de marzo de 2015

A GAITA NA IDADE MEDIA: ACHEGAS PARA A SÚA RECONSTRUCIÓN SONORA

Ligazón:


Descrición:

Artigo de Norberto Pablo Cirio, publicado na Revista de Folklore. Tomo 19b. Núm. 227, 1999, no que se expón unha relación de diferentes fontes documentais e unha reflexión sobre  a reconstrución sonora da gaita da Idade Media. O obxectivo do traballo é aplicar o modelo de estudo de Dale Olsen á gaita medieval co fin de iluminar algúns aspectos da mesma: denominación, partes constituíntes, modo de execución, volumen, timbre, repertorio e ubicación na dinámica músico-social da época.





jueves, 19 de marzo de 2015

ESCALAS E ARPEXOS PARA GAITA DE FOL

Ligazón:

Escalas e arpexos para gaita de fol

Descrición:

Material didáctico que contén:

 escalas maiores e menores harmónicas

- e arpexos maiores e menores.

En 24 tonalidades, ata 6 alteracións sen incluír as respectivas tonalidades enharmónicas ás escritas neste traballo.

Os exercicios preséntanse en diferentes patróns rítmicos e están enfocados cara ao estudo técnico en contextos musicais onde o repertorio non supera unha onceava (Si4-Mib6 para gaitas soprano en dó), sen considerar os diferentes rexistros do instrumento ou as diferentes posibilidades de articulación. 

Ofertas de emprego O Fiadeiro

OFERTAS DE EMPREGO DOS NOVOS POSTOS A CREAR AO ABEIRO DO PLAN MUNICIPAL DE EMPREGO 2015

A Asociación Folclórica O Fiadeiro ofrece a posibilidade de optar a presentarse para cubrir os postos de traballo temporal que se relacionan a continuación, cunha duración mínima de 3 meses, e máxima ata fin de obra ou servizo :

1º - PERSOA PARA LIMPEZA E MANTEMENTO ( 1 posto )
Titulación requerida: Non requerida
Tarefas a desenvolver e coñecementos requeridos :  Resposable  da limpeza e o mantemento básico  do local da A.C.F O Fiadeiro.

2º MONITOR PANDEIRETA E CANTO POPULAR ( 2 postos )
Titulación : Non requerida
Tarefas a desenvolver e coñecementos requeridos: Docente de pandeireta e canto popular para nen@s e adultos. Coñecemento  da cultura e folclore tradicional e demostrable na área a impartir.

2º MONITOR BAILE TRADICIONAL ( 2 postos )
Titulación : Non requerida
Tarefas a desenvolver e coñecementos requeridos: Docente de baile tradicional para ne@s e adultos. Coñecemento  da cultura e folclore tradicional e demostrable na área a impartir. Coñecemento  da cultura e folclore tradicional e demostrable na área a impartir.

3º MONITOR BAILE MODERNO ( 1 POSTO )
Titulación : Non requerida
Tarefas a desenvolver e coñecementos requeridos : Docente de baile moderno  para ne@s e adultos. Coñecemento  da cultura e historia do baile en todas as súas disciplinas  e demostrable na área a impartir.


4º MONITOR GUITARRA , LINGUAXE MUSICAL ( 2  POSTOS )
Titulación : Non requerida pero valorable titulación  media ou superior de música na especialidade de guitarra e/ou educación musical.
Tarefas a desenvolver e coñecementos requeridos:  Un posto para docente de guitarra para nen@s e adultos. Un posto para docente de linguaxe musical  para nen@s e adultos ( en función da demanda de alumnado ). Coñecemento da cultura e folclore tradicional e demostrable na área a impartir.

REQUERIMENTOS COMÚNS PARA TOD@S OS POSTOS OFERTADOS:
-          Que estean empadroados no Concello de Vigo
-          Que teñan experiencia no posto na entidade con anterioridade
-          Que sexan soci@s da entidade
-          Que estea en situación de desemprego

PRESENTACIÓN DE SOLICITUDES:
Soamente se valorarán curriculums, achegados vía correo eléctrónico a seguinte dirección, teso.ofiadeiro@gmail.com

PRAZO LÍMITE :  27 DE MARZO DE 2015.


                                                                                                                         A XUNTA DIRECTIVA.

miércoles, 11 de marzo de 2015

A XOTA E AS SÚAS VARIANTES COREOGRÁFIACAS E DIALECTAIS EN GALICIA

Ligazón:

A xota e as súas variantes coreográficas e dialectais en Galicia

Descrición:

En Galicia conviven diferentes formas e ritmos de bailes soltos, entre os cales e como un dos máis populares encóntrase a Xota. Definiremos as distintas formas de bailala segundo a zona
xeográfica de Galicia, ao igual que as súas diferentes denominacións. Tamén nos achegaremos aos seus dispares acompañamentos instrumentais, diferenciándoos igualmente por zonas xeográficas.